Plass til fleire kunstelevar i kulturskulen
Øystein Skjæveland frå Herøysund er kunstlærar i kulturskulen, og opplyser i ei pressemelding om at det framleis er plass til nye elevar.
Kulturskulen har mange gode tilbod for born og unge, mellom anna kan ein gå på visuell kunst.
«Me driv med alt som har med teikning, måling, fargar og former å gjera», skriv Skjæveland.
Annonse
I løpet av året lærer kunstelevane teknikkar som blyantteikning, akvarell, akrylmåling, kolstift, kollasj og ulike tredimensjonelle teknikkar.
Ein del av kunstverka frå det siste skuleåret heng no utstilt i inngangspartiet til kulturskulen. Der kan ein få eit inntrykk av kva elevane arbeider med i kunstfaget.
