Øyvind Sture med utstilling i Ølve
Galleri Banken i Dalsjøen i Ølve opnar ny utstilling på laurdag, med mellom anna Øyvind Sture frå Uskedalen.
Publisert
Sist oppdatert
Galleri Banken har eit tett program denne våren og sommaren. Laurdag opnar utstilling med Øyvind Sture og Erling Valtyrson.
Uskedalsbusette Sture har 20 maleri med seg som skal på veggane i det gamle bank- og butikklokalet.
Annonse
– Øyvind er me spent på. Han har jo ein solid utdanning, men har jobba mest som lærar. Du er multikunstnar når du kan syngja, skriva, måla og laga skulpturar, seier Marta Nerhus om Sture.
Ølve-kunstnaren er kurator for utstillingane i Ølve. Til denne runden har ho også fått med Erling Valtyrson.
– Han er ei legende innanfor grafikk-kunsten, og som Sture stiller han også ut 20 verk, men då trykk. Eg har blitt kjent med han via felles utstillingar på Neptun i Bergen. Det er ein liten sensasjon at me får hit, melder ho.
Øyvind Sture tar seg med Egil Vaage og Stein Haugen som musikarar, spelar songar Sture har skrive under opninga. Ølve Montessoriskule sel salt og søtt til inntekt til skuletur, slik at publikum kan få juster blodsukkeret sitt opp til kjøpsnivå under opningsdagen.
