Opnar utstilling på Ablane Gard
To som begge har følgt draumane sine blir å høyra når Svanhild Latorre Weibel opnar si utstilling på Ablane Gard fredag.
Publisert
– Det kan væra skummelt å gå for draumane sine, men så rikt det gjer livet! Det treng ikkje vera dei valdsamme og store, men våga å kjenna etter kva som er viktig for akkurat deg, og så ta stega som skal til.
Det seier Svanhild Latorre Weibel (tidlegare Seglem) i samband med utstillinga som opnar på Ablane Gard på Skeie fredag.
Annonse
I samband med opninga av utstillinga har ho invitert med seg søskenbarnet Haakon Kvestad for å fortelja om hans veg med Kvestad Sideri i Sørfjorden, ettersom det også starta med ein draum.
– Og utan først ein draum, hadde heller ikkje dei 52 akvarellane som utstillinga «Pust» består av, sett dagens lys. 52 bilde som står for talet veker i eit år, seier Svanhild, som vaks opp på Seglem, på same gard som Haakon Kvestad si mor Lilly i si tid hadde sin barndom.
