Opna Steinparken for sesongen

– Det er veldig bra at det kom så mange folk. Hadde det vore overskya hadde kanskje enno fleire kome, men vi klagar ikkje på oppmøtet, sa leiar i Rosendalstiftinga Øystein Skaala.

Med natursti, småspikring, ope dinosaurhus, teikning, kakar og kaffi, var det noko for ein kvar å ta seg til i Steinparken denne dagen.

Det er også sett opp ei heilt ny tretopphytta i Steinparken, som vert opna seinare denne veka. Førebels har den ikkje trapp, noko som kan vere nyttig å ha om ein skal koma seg opp dit.

– I den skal vi ha litt forskjellig, mellom anna eit teleskop slik at vi kan sjå litt ut i universet og fotografera litt det som går føre seg der. Det blir ein ny og kjekk aktivitet, sa Skaala.

Arne Torget var på plass for å lesa dikt og opna parken. Han takka for invitasjonen og skrytte av dei som har vore med på å laga steinparken til det den er.

– Dette er eit av dei flottaste dugnadsprosjekta i Noregs land. Her har eg vore mykje med ungane mine når dei var små. Eg prøvar å få dei med meg av og til, men det å dra med seg ein motvillig 29-åring i dag var ikkje så lett, enno eg trua med juling, spøkte Torget.

Torget gav ein flott opningstale med mange gode dikt. For høve hadde han også skrive eit dikt om Steinparken, til Steinparken. Det starta slik;

Stein rundt oss på alle kantar

Utallige fascinerande og vakre variantar.

Det er lett å bli både forelska og sakral

I den vakre Steinparken I Rosendal.