Oddgeir Berg Trio i festsalen
Fredag kjem Oddgeir Berg trio på nytt besøk til Husnes Jazzklubb i Kulturhuset på Husnes.
– Her blir det høve til å koma i tidleg julestemning med kjære og kjende juletonar i harmoniske og stemningsfulle jazzarrangement, lover tilskipar Husnes Jazzklubb.
Trioen har hausta mykje lovord for sine rytmiske arrangement, med påverknad frå skandinavisk jazz.
Artikkelen held fram under annonsen.
– Med siste plateutgjevinga, «Christmas came early», friskt i tankane, forventar me fredag 8. desember både høgtid og julestemning, med blant anna kjende julesongar i humørfylte og kreative arrangement, skriv Jarle Mehammer i jazzklubben i ei pressemelding.
Med i Oddgeir Berg trio er Oddgeir Berg på piano, Karl-Joakim Wisløff på bass og Lars Berntsen på trommer.