Nytt opplag for Vetrhus

Førsteopplaget på boka var på 2650, som er ein god storleik for barnebøker på nynorsk. Berre 6% av alle barnebøker vert nemleg gitt ut på nynorsk.

– Å, dette hadde eg aldri trudd, og eg blei så glad! Feirar med å prøva å skriva litt på neste bok, og å teikna med sonen, niesa og mora mi i dag, skriv Vetrhus i melding til Grenda.

Ho fortel at ho er heilt månebedotten, og veldig takksam for alle lesarar.

– Eg vil gjerne seia hjartans takk til alle som har kjøpt, lese og lånt Nattklubben – de er fantastiske! Støtta her heima har vore heilt utruleg, og det varmar å få så mange fine tilbakemeldingar frå fjern og nær. Tusen takk for sjansen til å spreie nattklubb-stemning til fleire små lesarar!