Nynorskprisar til Flatebø Skare, Alvær Kristensen og Korsvold Sjo
Kvinnherad Mållag held på tradisjonen med å premiera gode nynorskbrukarar blant avgangselevane i 10. klasse ved Kvinnherad-skulane.
– Snakk dialekt, skriv nynorsk. Slagordet til Noregs Mållag er det beste rådet me kvinnheringar kan få for å visa kven me er og kor me kjem frå. Det er eit godt råd for alle som bur rundt på bygdene i heile landet vårt. Språket vårt er nemleg tett knytt til identiteten vår, og me i mållaget meiner det er viktigare enn nokon gong å verna om nynorsken. Det gjer me best ved å bruka han. Difor vil me gje ein pris til den beste nynorskbrukaren ved kvar av ungdomsskulane i kommunen vår,
Det sa Mari Mehl då ho på vegner av Kvinnherad delte ut prisen i Rosendal.
Artikkelen held fram under annonsen.
Der var det 10. klassing Silje Flatebø Skare som vann prisen på 500 kroner. Norsklæraren hennar, Bjørn Anders Sæberg, grunngjev valet slik:
– Silje har vunne årets nynorskpris på grunn av det nærast feilfrie språket i alt ho leverer. Ho har mykje av språket under huda, og dersom ho er usikker, dobbeltsjekkar ho. Silje er eit levande bevis på at hardt arbeid lønar seg, helsa den stolte læraren.
Ved Husnes ungdomsskule fekk til Oddgeir Korsvold Sjo prisen, medan Marthe Alvær Kristensen fekk prisen på Øyatun skule.