Norsk hiphopikon til Festidalen
Plakaten for neste års Festidalen er i ferd med å ta form, og namn nummer to kjem til å vera numero uno for mange.
Publisert
Sist oppdatert
Arif Musakani vann heidersprisen under årets P3 Gull, han har klassikarstatus innan den urbane hiphopen, og alle kan minst ein av songane sine. Han er strøken på scenen og står midt kjernen av den norske kremen av sjangeren-
– Arif har seld ut Spektrum, snekra hits med Karpe og Stig Brenner, flekka tenner til polariserande krefter og smelta hjarter på TV, oppsummerer bookingboss Daidalos Dahle om artisten.
Annonse
– Duden surfar høgt på notidas bølger, og planar rett inn i sommarens soundtrack. Bangers og balladar. Beats og boblande blod. Arif har dei siste ti åra definert den norsken R & B-. og rapscena. Det lir mot ein sukkersøt sommar, folkens, lover Dahle vidare.
Når han skal seia litt meir om Arif, manglar ikkje bookingsjefen til Festidalen mykje på å vera like poetisk som artisten han omtalar.
– Ikkje alle veks opp med rekkverk og redningsvest. Arif har verkeleg måtta tråkka brattare bakkar enn dei fleste av oss. Det har resultert i ei djup og sterk innsikt. Somme stunder ser ein kanskje klårare gjennom tårer enn briller. Og musikken står fram som dønn ærleg og treffande, seier Dahle ditto treffande.
