Nominert til Amanda

– Tenk at vi skulle få oppleve av «Odelsgut og fantefølge» blei Amandanominert! I selskap med «Generasjon Utøya» og «Kunstneren og tyven». Altså, for eit selskap, skriv Offerdal Tveit i ein status på Facebook, etterfølgd av ein glitrande stjernesmilefjes-emoji.

Vidare påpeikar ho at ho er stolt over kva dei har fått til, og at det er stas at så mange likar filmen.

Denne gjæve nominasjonen føyer seg såleis inn i ei stadig veksande liste. Under Bergen Internasjonale Filmfestival (BIFF) var filmen nominert, og vart også tildelt prisen for beste dokumentarfilm (oktober, 2020). Filmen var også nominert til Human-prisen 2021 under Human internasjonale dokumentarfilmfestival (mars, 2021). «Odelsgut og fantefølge» er dessutan no å sjå på NRK, og den lokale regissøren har såleis fått eit solid fotfeste i filmbransjen.

Blant 23 filmar som vart nominert for Amanda, er det filmane «Ninjababy», «Den største forbrytelsen» og «Gritt» som har fått flest nominasjonar. Av desse 23 filmane er det åtte dokumentarar og sju barnefilmar, melder Den norske filmfestivalen på nettstaden sin.

Amandaprisen er ein del av Den norske filmfestivalen som finn stad mellom 21. og 27. august. Prisen vert delt ut på Festiviteten i Haugesund, og sjølve utdelinga vil strøymast direkte på NRK. Prisen vart første gong delt ut i 1985, og vert delt ut som eit ledd i å auka kvaliteten på og fremja interessa for norske kino- og kortfilmar som er rekna på offentleg visning.