Nesten for Thea, Martin og Torstein
Klassequizdeltakarane frå Husnes ungdomskule gjorde ære på Kvinnherad med sin semifinaleinnsats.
Publisert
Sist oppdatert
Fredag kveld viste NRK den tredje av seks semifinalar i kunnskapskonkurransen «Klassequizen». 8. mars var Thea Emilie Vatterdal Markhus, Torstein Bjelland og Martin Totland frå Husnes ungdomsskule i studio i NRK-hovudkvarteret og spelte inn episoden, og i 16 dagar har tiandeklassingane halde tett om korleis det gjekk.
Fredag kveld var ventetida over for hemmeleghaldet. Dei hamna til slutt på fjerdeplass i semifinalen, og var nære på å få delta i avsluttingsoppgåva «Sluttspurten». Undervegs utmerka dei seg med å vera best i den første hurtigrunden.
Annonse
Ringshaug ungdomskule frå Innlandet fylke vann semifinalen etter lynsnar svaring i nettopp «Sluttspurten».
