Musikkvideo med Husnes som kulisser

24. mai kjem Lucky Lew med ein ny singel, «Hear me out». Musikkvideoen valde dei å spela inn på Kulturhuset Husnes.

Bandet, som består av Katrine Stavnes, Håvard Sætrevik, Rune Hals og Svein Knudsen, dei tre sistnemnde frå Husnes, tykkjer det er viktig å støtta lokalmiljøet. Dei hadde berre éin dag til å få ferdig musikkvideoen, så det var intens jobbing heile dagen. Dei nytta både Kulturhuset og ungdomssenteret som scenar. Målet deira var å få til ei blanding av live- og studioinnspeling. Filminga var det Karl Petter Vårdal, Vårdal Elmedia, som stod for.

Katrine Stavnes, vokalist, tykkjer dei har vakse mykje sidan den fyrste plata deira vart sleppt.

– Vi har utvikla oss ein del sidan vi laga det fyrste albumet, men musikksjangeren er den same som før, seier Stavnes.

 

Ungar

Sidan Katrine Stavnes og Håvard Sætrevik fekk ei dotter i lag for fem år sidan, har det vorte roligare med bandet enn før.

– Det blir jo automatisk mykje rolegare når både vi og andre i bandet får ungar, men samstundes har det vore herlig å kunna jobba mykje og intenst med få songar i staden. No har vi hatt om lag eitt år på oss å finpussa «Hear me out», seier Stavnes.

Men ho meiner likevel det er viktig å vita kva tid ein skal seia stopp.

– Du kan alltid finna nye måtar å spela ein song på, men så kjem du til eit punkt der du må slutta å endra på songen og få gjort noko med den. Der følte vi at vi var no, legg Stavnes til.

Etter innspelinga ventar mange konsertjobbar.

– No blir det ein del konsertar framover, mellom anna skal vi til Tromsø etter innspelinga på Husnes. Så vi gler oss veldig til påskeferie med kos og påskeegg, avsluttar Stavnes.

Sist dei vitja oss, på Rock 15, tok dei publikum med storm både med musikk og stil. Underteikna, som fekk høyra ein prøve, trur heller ikkje den nye songen vil skuffa publikum.

 

Tekst og foto: Carina Wangensten.