Lytt til lyrikken på Kvinnherad bibliotek
Artist Tuva Syvertsen og forfattar Svanhild Amdal Telnes tek turen til Kvinnherad bibliotek for ein spennande samtale torsdag 8. september.
«Lytt til lyrikken» er eit samarbeid mellom Nynorsk kultursentrum og lokale bibliotek og arrangørar landet rundt. Det er ein programserie i regi av Olav H. Hauge-senteret der ein musikar og ein diktar møtest til ein samtale om å skriva og å leva med songar og dikt, står det på Nynorsk kultursentrum sine sider.
Dette er den tredje turneen til «Lytt til lyrikken». I 2019 presenterte Nynorsk kultursentrum og Haugesenteret i Ulvik Frida Ånnevik og Anna Kleiva. I 2020 fekk publikum møta Daniel Kvammen i samtale med Fredrik Høyer.
Artikkelen held fram under annonsen.
Tuva Syvertsen er best kjend som vokalist i Valkyrien Allstars, og har vore med på TV-program som «hver gang vi møtes» og «stjernekamp». Ho er og teatermusikar og undergrunnsrappar, og har motteke fleire prisar, som Spellemannsprisen og Prøysenprisen.
Svanhild Amdal Telnes er både forfattar og psykolog. Ho vart nominert til Terje Vesaas´ debutantpris med diktsamlinga «Om nettene brukar mor dråpeteljar» i 2018. Ho er no aktuell med diktsamlinga «Å jage en hjort i døden».
– Arrangementet er gratis og ope for alle, meldar biblioteksjef Trude Hege Bergesen.