– Livsstil og hobby med oljer

Anita Murel og Noelia Vega gir deg all informasjon du treng om korleis ein kan bruka eteriske oljer til å forbetra helse og generell eigenomsorg. Med seg har dei Chris Murcia, ei venninne av Noelia som bur i Tyskland. Store delar av presentasjonane vil difor skje på engelsk.

«På informasjonsmøtet vil vi snakka om korleis oljene blir produserte og ulike måtar å bruka dei på, som til dømes å inhalere damp, smøra på hud eller nytta i kapslar. Ein vil òg få kunnskap om nokon av dei vanlegaste oljene og korleis ein kan nytta dei til husreingjering, matlaging, eigenomsorg og velvære», skriv Murel i ei pressemelding.

Murel har alltid hatt eit nært forhold til naturen og naturlege og økologiske produkt. Etter at ho utdanna seg til sjukepleiar fekk ho ei ny interesse for eteriske oljer og tanken på å førebygga helseproblem ved støtte frå naturen.

– Slik verdas helseorganisasjon påpeiker, så må vi ta i bruk tradisjonell medisin for å få bukt med aukande helseproblem i ei veksande befolkning, seier ho.

Vega byrja sitt forhold til oljer i mars i år, etter eit helseproblem. Til hennar store overrasking hjelpte oljene ho til å ha betre fokus på eigenomsorg.

– Det bidrog positivt til mi helse, og eg byrja å lesa og ta kurs, og i dag er eteriske oljer både ein livsstil og ein hobby for meg. I tillegg likar eg å hjelpa andre med å finna fram til den gode eigenomsorga som kan bidra til betre helse, seier ho.

– På møtet vil det verta servering av kaffi, te og kaker som er baserte på eteriske oljer. Velkomen til ein herleg dag med oss! skriv Murel i pressemeldinga.