Gutedans eller jentedans? Det var ikkje alltid like enkelt å vita, men det var iallfall koordinert.

Leverte glitrande revy - sjå bileta!

Du treng ikkje ha behov for å halda deg oppdatert på Kvinnherad vidaregåande skule for å ha stort utbyte av årets russerevy.

Håvard Sætrevik
Redaktør/Grenda
Publisert Sist oppdatert

Tittelen «Keeping up with KVV» skulle indikera eit og anna innslag med referansar til Kvinnherad vidaregåande skule, men det var på inga måte naudsynt å ha fartstid frå anstalten for å kosa seg med revyen.

For kven treng fartstid når russen mønstrar løpetid med humor, parodiar med snert og dans med presisjon? Og når behovet for å sjokkera var erstatta formidlingsglede og -evne, kunne publikummet i ein fullsett kinosal lena seg tilbake og nyta halvannan time med framifrå underhaldning.

Truleg vurderer fleire av dei som var til stades å løysa billett for laurdagens framsyning, for oppdateringa på livet på KVV innbaud definitivt til gjensyn.

Bar-on eller Bar-off? Dørvakta Leah Holmedal (t.h. på sitjerekkja) var iallfall på jobb.
Julian Staveteig sette standarden for kvelden med solosong allereie som innslag nummer to på revyen.
Flott, kvinnhersk ungdom leverte revy av topp klasse.
Gutedans eller naturfag? Det var ikkje alltid like enkelt å vita, men det var iallfall koordinert.
Gutedans eller jentedans? Det var ikkje alltid like enkelt å vita, men Emil E. Voster og Isak R. Mo kler i det minste skjørt.
Alle dei over 50 russ som er med på revyen gjekk på scenen i lag på opningsnummeret.
Kveldens beste nummer var kanskje seksualundervisinga til Sigurd Nilsen og Konrad Skarveland. Karane delte ut både tips og prevensjon.
Revyen heiter «Keeping up with KVV», og lærarane var tett på gjennomgangsfigurar i revyen.
Revysjefane inntok scenen ved fleire høve.
Astrid Borgen (t.v.), Maud Tveitnes Førland og Maria Hatteberg med ein strøken vri på sponsoromtale.
Jentene stod for samkøyrt dans ved fleire høve.
Solfinn Kolle eller viserektor Gry Hege Grønningen? Ikkje heilt enkelt å seia.
Å snu på kjønnsrollene går igjen i revyen. Jentene paroderte gutevorspiel...
Og gutane paroderte jentevorspiel. 1-1 mellom kjønna der.
Revysjefane Storm Uppheim og Isak R. Mo fekk velfortent heider etter revyen.
Det vanka også blomar frå rektor Morten Vevatne til russen.

For ordens skuld: Meldaren er far til ein av deltakarane på revyen.

kultur og underhaldning revy og musikkteater kultur
Powered by Labrador CMS