Lasse Berntzen med separatutstilling i Guddal
Lasse Berntzen viser sitt store engasjement for den uerstattelege naturen og det sårbare dyrelivet i utstillinga «Natura Arte».
Publisert
Sist oppdatert
– Han malar akvarellar i store format, og lar seg ofte inspirera av den vakre og dramatiske naturen i Kvinnherad. For dette er eit område som han er spesielt knytt til – heilt frå barnsbein av, skriv gallerist Gøril Guddal i samband med utstillinga som opnar laurdag 15. juni.
Tilbake til utgangspunktet
Annonse
Opning vert ved kunstprofessor Gunnar Danbolt, og det blir musikkinnslag med «The Vivs»; som er ViviAnn Brede (vokal), Bjarne Øymyr (piano), Sindre Aksnes (perkusjon), Stig Klette (bass) og kunstnaren sjølv, Lasse Berntzen (gitar).
Berntzen er fødd i Bergen i 1954, og er masterutdanna bildekunstnar og designar frå Vestlandets Kunstakademi og Kunsthøgskolen/Universitetet i Bergen. Han har mellom anna bakgrunn som førsteamanuensis/Associate Professor i designteori ved Universitetet i Bergen, som designsjef i Festspillene i Bergen, og som dagleg leiar i det fleirfaglege arkitektur og designstudioet Fuggibaggi as i Bergen.
Berntzen har hatt separatutstillingar i Bergen kunstforening/Bergen Kunsthall, i Galleri Norske Grafikere og Galleri Tegnerforbundet i Oslo, og i mange kunstforeningar i norske byar.
Etter mange år med hovudvekt på tangerande kunstnarisk arbeid innafor design, arkitektur og undervisning har han, i dei seinare åra, komme tilbake til sitt utgangspunkt – bildekunsten.
Annonse
Utstillinga står til 14. juli
