Ladyshave på Snikkeriet
Det blir meir enn berre glattbarbert musikk dei fem karane i «The Ladyshave Experience» tar med seg til Snikkeriet på fredag.
«The Ladyshave Experience» er eit blues-rockband frå Osterøy, som består av fem rutinerte musikarar, som også er kjent frå andre band, blant anna Frigaard, Sivvah, Hot Fuel og Ausekarane. Bandet spelar moderne, variert bluesrock frå kjente artistar.
– Med rå vokal, heftige gitarsoloar bygd opp på eit solid og funky komp, er dette verdt å få med seg, reklamerer bandet sjølv med.
Artikkelen held fram under annonsen.
På scenen på fredag står Geir Mæhle (vokal), Reino Aittovara Småland (gitar/kor), Jan Egon Langhelle (gitar/kor), Tore Mæhle (bass/kor) og Jan Petter Ågotnes (trommer/kor).