Kulturvandring i Ulvenes
Langfredag inviterer kulturnemnda i Ølve til kulturvandring: - Det er ikkje mange gardar som kan mønstra så mange ulike kulturminner på eit brett!
Publisert
– Me går til den idylliske Sagdammen, til dei to gamle sagene og til naustet med den svært sjeldne laromsbåten. Dette er ein tiæring som blant anna blei brukt til å frakta sauer til og frå sommarbeite på andre sida av fjorden. Båten i Ulvenes er ein av fire som er att av denne gamle båttypen, skriv kulturnemnda i Ølve i ei pressemelding.
Neste stopp på vandringa er Olavsbekken. Denne kjelda skal ha hatt ei lækjande kraft sidan Olav den heilage var innom og kristna bonden i Ulvenes.
Annonse
– Krossen som vart hoggen i berget ved dette høvet, er framleis synleg, melder Eva Røyrane i kulturnemnda, før dei siste vandringsmåla blir presentert:
– Ved Limbuneset ser me på restane etter ein gammal kalkomn. Kanskje går me også til ei av gravrøysene som ligg i åsen utover mot Steinane.
