Kulturskulen har ikkje moglegheit for samkøyring
Kirill Zimin, rektor og einingsleiar ved kulturskulen, seier at dei tilsette må ha moglegheit til å parkera gratis.
Publisert
Sist oppdatert
Dei tilsette brukar private bilar i jobbsamanheng, og dei driv mykje med desentralisert undervisning. Grunna dei forskjellige timeplanane og at lærarane køyrer rundt i heile kommunen, er det vanskeleg for dei tilsette ved kulturskulen å samkøyra.
Han påpeker òg at fleire av lærarane på kulturskulen har med seg store og tunge musikkinstrument, som ein ikkje berre kan ta under armen eller på sykkelen. Av same grunnlag bør parkeringa vere nærast mogleg kulturskulesenteret.
Annonse
«Dagens parkeringsløysingar – parkeringsplassane i tilknyting til Husnes tenestesenter fungerer dårleg for oss. Alle parkeringsplassar der er allereie opptekne før kl.08.00. Tidlegare (til no) kunne kulturskulen sine tilsette parkera bilane sine gratis nede ved Mekk, på sida av kulturskulesenteret. Denne moglegheita mister vi frå den 01.09.22, ifølge den nye parkeringsordninga», avsluttar han.
