Kulturprogrammet byr på gjensyn med Susanne Sundfør

Årets kulturprogram i Baroniet Rosendal opnar med lokale krefter, før nasjonale tungvektarar overtar scenen. Og rosina i pølsa heiter Susanne Sundfør.

– Me er verkeleg glade for at Susanne Sundfør har funne plass til ein tur innom oss i år, strålar direktør Anne Grete Honerød ved Baroniet Rosendal.

Kjente og kjære

Ho kan presentera ei raus liste med kulturelle kapasitetar når ho offentleggjer programmet for året. Kjente og kjære namn som Bjørn Eidsvåg og Vamp veit ein vil fylla seterad etter seterad. Legg til Kari Bremnes, Thomas Dybdal og ekteparet Karoline Krüger og Sigvart Dagsland, så fyllest lista med baronivener opp.

– Me er kjempeglade for alle musikarane som kjem tilbake år etter år. Me forstår det sånn at dei er oppriktig glade for det dei får her. Det er eit køyr på dei gjennom ein hektisk konsertsesong, og dei set pris på avkoplinga som dei får her, med ro og fred, seier Honerød. Ho legg til at dei faste artistane er trygge, og at det er viktig for Baroniet Rosendal å ha dei tilbake.

– Dei er avgjerande for drifta vår, og me får årvisse tilbakemeldingar om at dette er viktig for publikum – som stadig vender tilbake til desse konser– Me er jublande takksame for alle musikarane som ynskjer å koma tilbake år etter år, og det gler oss stort at dei sjølve set pris på den avkopling og inspirasjon alt det vakre både slottet, hagen og naturen gjer dei, slik også nasjonalromantikkens kunstnarar opplevde det då dei vitja Marcus Gerhard Hoff Rosenkrone her på 1800 talet, seier Honerød.

Ho legg til at dei faste artistane er trygge, og at det er viktig for Baroniet Rosendal å ha dei tilbake.

– Dei faste, trygge og dyktige musikarane som – heilt frå Ketil Bjørnstad heldt konsert på det nyrestaurerte Pleyelf-flygelet 1986 – kjem tilbake år etter år har utan tvil vore med og bygd opp Baroniet Rosendal slik det framstår i dag, både med omsyn bevaring av bygningar, hage og landskap samt verdifulle opplevingar for alle som vitjar dette unike nasjonale kulturminnet. Me får stadig tilbakemeldingar frå publikum som set stor pris på «den gode gjentagelse» og dermed år etter år vender tilbake for å oppleva konsertar med dei same musikarane, understrekar ho.

tane, understrekar ho.

Sundfør-suksess

Om ein skal tvinga ho til å meina noko spesielt om programmet denne sommaren, så skin det gjennom at ho er ekstra glad for å ha Susanne Sundfør tilbake på plakaten.

– Det er ganske mange år sidan ho var på Sommeråpent på NRK, og me hadde ikkje høyrt om ho før då. Reidar (Nedrebø, ektemann og leiar for økonom og utvikling på Baroniet Rosendal, red.merk) ropte inn «Ho må me få inn til den Gule Sal». Me leita via omvegar for få tak i ho, og fann ein link via Sjernarøy som er heimstaden til Reidar, smiler Honerød.

Etter det var Sundfør i Den Gule Sal tre gonger, i 2008, 2010 og 2011.

– Då måtte me ta i bruk Borggarden i 2012, og så var ho plutseleg stor ute i verda. Så etter nokre år utan konsert med ho her, tok me kontakt og spurde om ho ville prøva i Riddersalen i 2019. Me jublar over at me får ho tilbake, og ser på oss som heldige som har med ho og Aurora på «laget» vårt, sluttar Honerød.

Programmet

30. april «Vår Konsert» Rosendal Musikklag og Cantus Firmus

14. mai «Livet på Jorda snakkar ut!» Ei forteljing om historia til livet

20. mai Konsert & Utstillingsopning: Leif Ove Andsnes, Audun Sandvik, Øyvind Bjorø, Olav Christopher Jenssen, Gunnar Danbolt

21. mai Omvising i kunstutstillinga

7. til 10. juli Rosendal Kammermusikkfestival

12. og 13. juli Ingebjørg Bratland m/musikarar (to konsertar)

14. juli Minor Majority

15. og 16 juli «A Midsummer Night’s Dream», Festival Players (to framsyningar)

16. juli Thomas Dybdahl

19. til 21. juli Bjørn Eidsvåg m/band (tre konsertar)

22. juli Stein Torleif Bjella

26. og 27 juli Kari Bremnes m/band (to konsertar

28. juli Ingrid Andsnes og Håkon Kornstad

29. juli Trygve Skaug

30. juli Ketil Bjørnstad

2. og 3. august Susanne Sundfør m/musikar (to konstar)

4. til 6. august Vamp (tre konsertar)

12. august Karoline Krüger, Sigvart Dagsland

13. august Ephemera

20. august A. Dietze Schirdewan: Restaureringsprosjekt i Rosendal Have

J.Ø. Sunde: Kristoffer Rustung (1540-1625) og etterkomarane hans.

11. september Sissel Kyrkjebø