Kulturminnestøtte til Fjelberg prestegard

Hovudutval for kultur, idrett og inkludering i fylket fordelte tilskota i møtet 14. februar. I alt hadde dei 1,8 millionar kroner til disposisjon.

– Det er inspirerande å sjå driftsorganisasjonar som jobbar hardt for å ta vare på vår felles historie og kulturarv. Det er viktig for auka bevisstheit om og engasjement for å ta vare på dei unike kulturminna våre, seier Jacob Nødseth (V), hovudutvalsleiar, til fylket si heimeside.

Blant mottakarane er Stiftelsen Fjelberg prestegard, som kan sjå fram til å få 190.000 kroner inn på konto.