Klart for den årlege folkefesten

Tysdag til laurdag denne veka er det klart den årlege tilstellinga for både fastbuande og tilreisande, og det vert mykje moro for heile familien. Festen vil gå føre seg i ulike telt ved Halsnøy kulturhus og ved Halsnøy senter. Alle dagane er fylt opp med kjekke aktivitetar og det er noko for båe små og store, mellom anna song, konsertar, quiz og show med Ausekarane.

Trubaduren Torstein Årstein spelar opp til dans båe onsdag og torsdag. På fredag vert vi inviterte til det årlege høgdepunktet; «Den store krabbe- og rekefesten» for heile familien. På laurdag vert det frukost, open kafé og basar, og for borna vert det mogeleg å deltaka på ulike leikar som mellom anna fiskekonkurranse og sjørøvarshow. Det vert meldt at dansen denne kvelden som oftast vert utselt.

Utifrå Facebook-sidene kan me òg lesa at folk kjem med både bubil og båt til festivalen, og det vert sett opp buss til Husnes etter dansen på laurdag.

Det kan sjå ut til at vêrgudane speler på lag, og vi vonar det blir ei minnerik veke for folket.