Julekonsert vart populær på TikTok

Laurdag kveld var det klart for Rosendal Musikklag sin svært tradisjonsrike julekonsert i Kvinnherad kyrkje. I tillegg til dirigenten Yngve Nikolaisen, hadde dei 28 musikarane med seg pianist Bjarne Øymyr, vokalist Stian Jebsen og konferansier Trygve Torjusen.

«Vi gler oss til å sette musikalsk glede på førjula», skreiv musikklaget på førehand, og det lukkast dei til det fulle med.

Konserten starta med «Adeste Fideles» og slutta sjølvsagt med «Deilig er Jorden».

Det som var litt spesielt i år, var at Stian Jebsen sendte konserten direkte på TikTok (de som ikkje veit kva det er – spør ein ungdom). Det enda med smått utrulege 92.400 likarklikk frå heile verda! Rett nok var det ikkje i nærleiken så mange som følgde med, men det vart sagt at det i alle fall var 110 samtidige sjåarar. Slett ikkje verst, det heller.

Etter konsertslutt uttalte Stian Jebsen at han var svært nøgd med arrangementet.