Inviterer til «Hent meg»-konsert
Oppstartseminar i Kinsarvik blir avslutta med konsert på heimebane for Rosendal Skulekorps og Uskedalen Skulemusikk.
Publisert
Sist oppdatert
Rosendal Skulekorps og Uskedalen Skulemusikk har gjentatt suksessen frå i fjor, med oppstartseminar i Mikkelparken i Kinsarvik.
– I år er også musikantar frå Husnes med, og me er då til saman om lag 30 musikantar, opplyser Ingve Hesjedal i Rosendal Skulekorps.
Annonse
Det har vore øving i grupper og felles både fredag og laurdag. I tillegg har det vore sosiale aktivitetar på campingplassen og moro i Mikkelparken.
– Seminaret blir avslutta på søndag kveld med felles øving i samfunnshuset i Rosendal og ein liten konsert som er open for alle, reklamerer Hesjedal, som på vegner av korpsa håper fleire har lyst til å bli med i korpsa og bli med på oppstartsseminar neste år.
