Intimkonsert med Alex Harry

På Kafe Guddal si facebook-side kan ein sjå invitasjon til intimkonsert med Alex Harry på laurdag. Han er kjend frå «The Voice UK 2021» og har nyleg slept ein song i samband med den engelske deite-serien «Love Island». Han har platekontrakt med eit norsk plateselskap og bur til dels i Noreg.

Kafè Guddal skriv vidare at Alex Harry skriv og framfører eigne låtar, akkompagnert av eige gitarspel i genren indie-pop. Med Alex Harry sin unike og dynamiske vokal kan ein mogeleg dra kjensel på artistar som James Bay, Lewis Capaldi og Dean Lewis. Han vekslar nydeleg mellom ei behageleg og mjuk popstemme og ein meir rå vending der han treff dei høge tonane.

På eiga facebook-side skriv artisten at han skal spela litt konsertar denne veka, og at han gler seg til å spele ny musikk som ikkje er gjeven ut enno.