I Gudinna sine fotspor
Etter nokre år utan festival grunna korona inviterast det på ny inn i mytologien – denne gong i form av ein mytologikveld.
Publisert
Sist oppdatert
Det er 11. året Mytologifestivalen vert arrangert, i år av ulike årsaker litt seint på året. Den 29.oktober brakar det laus i kjellaren i ungdomshuset Samhald på Hatlestrand med temaet «I Gudinna sine fotspor».
Vetra Trinkunaite frå Litauen, spelar litauisk folkemusikk på eit klimpreinstrument kalla kanklès. Vetra er ei ung dame som starta karrieren sin i foreldra sitt populære folkeband «Kulgrinda». Ho spelar fleire gonger utover kvelden.
Annonse
Etterpå vert det presentasjon av Knut Rage si nye bok «I gudinnens fotspor. Gudeøya Tysnes – det gamle Njardarlog».
Filmskapar Anne Magnusson vil visa filmen ho og Ellen Lundby laga om arkeologen Marija Gimbutas - «Gløymde gudinner – eit møte med Marija Gimbutas». Gimbutas var ein litauisk-amerikansk arkeolog som var kjent for å kombinere tradisjonell arkeologi med lingvistiske og mytologiske tolkingar. Ho skreiv fleire bøker, mellom anna «Gudinne-trilogien», kor ho såg på forskjellane mellom det «gamle Europa» (ein kultur sentrert rundt kvinner) og seinare bronsealderen si patriarkalske kultur.
Det vert òg salsbodar, utstilling, god mat og drikka og kveldsdrøs.
