Hjarteveke: marsj i Neslia og hoppetaukonkurranse i storskulen
Førstkomande onsdag arrangerer Rosendal helselag Hjartemarsjen 2022. Det skal då marsjerast langs fjordstien i Neslia, med oppstart i båthamna.
Publisert
Sist oppdatert
Hjartemarsjen er ein del av Nasjonalforeningen for folkehelsen sitt fokus på hjarte og hjerne. Organisasjonen har som mål å fremja folkehelse, samt å finansiere forsking på hjarte- og karsjukdommar og demens.
Forebyggjande tiltak er også ein del av arbeidet deira, og det i denne anda Rosendal helselag inviterer til marsj i frisk luft og skjønt landskap onsdag 11. mai.
Annonse
Hoppar for hjarta
Denne veka, hjarteveka, er det ekstra merksemd på hjarte og hjerne for fleire, informerer Bente Haugen i helselaget.
«På Malmanger skule har elevane i dei eldste klassane Hopp for hjertet. Det er ein konkurranse som skal auke aktiviteten blant barn og skape blest om god fysisk helse», skriv ho i ein e-post.
Hopp for hjertet er ein årviss hoppetaukonkurranse for elevar på 4. til 7. trinn, som i 2022 kan skilte med nærmare 93.000 deltakarar. Konkurransen byrja 3. mai og blir avslutta 13. mai.
Annonse
Klassane som deltek får eitt poeng per minutt klassen er aktiv. Det er maksimalt mulig å hoppa seg til 60 poeng per klasse per dag. Det blir kåra ein nasjonal vinnar, samt vinnarar frå kvart av fylkeslaga til Nasjonalforeningen for folkehelsen.
