Held fram jubileumsåret med ny utstilling

Gøril Guddal feirar 30 år som gallerist i år, og held fram med å by på utstillingar i jubileumsåret. No er det Tor-Arne Moen tar med seg maleri og tresnitt for fyller gallerilokalet i Guddal.

– Tor-Arne Moen har treft mange med sine maleri frå nær fortid, og får minne frå barndommens somrar til å vakna hos betraktaren. Hans skildringar av den erketypiske norske skituren med eplenikkers og treski har også gått igjen i hans seinare arbeid. Frå sitt sete på Notodden i Telemark, lar han seg også inspirera av eigne opplevingar i naturen med jakt og fiske, skriv Gøril Guddal om Moen.

– Nostalgisk tilnærming

Han er utdanna frå Kunsthøyskolen (Uib) i Bergen, og vert kjenneteikna med sin høgt oppdrivne figurative teknikk med ei overflate beståande av grove og tjukke malingstrok, med varierande penselbreidde i lag på lag. Han hadde sitt gjennombrot med ein serie maleri til dei samla verka til Hamsun tidleg på 1990-talet.

– I to periodar, frå 2004 til 2012 og frå 2017 og framover, har han jobba med ei nostalgisk tilnærming til maleriet med utgangspunkt i gamle svart-kvitt-albumfotografi som motivkrets og støtte for auga. Her gjenkjenner betraktaren straks den fotografiske referansen til ei viss tid og ein viss type fotografi, samtidig som han opplever den maleriske tilføringa i strøk og farge i feite, ofte ekspresjonistiske strøk, skildrar Guddal.

Både referansane og det maleriske foredraget har i disse bileta eit tilbakeskodande preg, samtidig som betraktaren må innsjå at bileta er laga i vår tid og sett med vår tids auge og vår tids nostalgi.

Utstillinga opnar laurdag 17. juni, og Moen sjølv kjem til Galleri G Guddal, og har med heilt nye verk. Det blir musikk ved Nanna Sofie Fredheim (vokal) og Oddgeir Røssland (gitar) under opninga, der kunstnaren er til stades. Utstillinga står til 16. juni.