Føreles om samisk misjonær
Jon Todal kjem til Åkra for å fortelja om livet til den samiske misjonæren Edvard Masoni, som ligg gravlagd på kyrkjegarden i Åkra.
Publisert
Sist oppdatert
Ein audmjuk gravstein på kyrkjegarden i Åkra med inskripsjonen «Misjonær» kunne vore det einaste som var igjen av Edvard Masoni. I fjor gav Jon Todal i lag med Lovisa Mienna Sjöberg ut bok om den spennande mannen som ligg gravlagt i Åkra.
Sundag 19. mai kjem Todal til Åkra kyrkje for å fortelja om Misoni sitt liv og verke i samband med 1. pinsedag sin høgtidsgudsteneste.
Annonse
«Masoni vart fødd i Rana i 1870 og voks opp i djup fattigdom som del av eit samisk miljø med låg status i det norske samfunn. Han skilde seg likevel ut ved å ta to lange akademiske utdanningar; teologi ved misjonsskulen i Stavanger og medisin i USA. Han vart mest kjend for sitt arbeid som misjonær og lege på den kinesiske landsbygda», kan vi lesa i ei pressemelding frå Lars Emil Berge i soknerådet i Åkra.
Masoni var i Kina under boksaropprøret, og var einaste norske misjonæren som ikkje forlet landet under den dramatiske perioden.
«Han endte sine dagar i Åkra, der han døydde våren 1930. Her vart han gravlagd utan slektningar men med stor oppslutning frå lokalsamfunnet», heiter det i pressemeldinga.
Alle er velkomne til arrangementet.
