Førebur den tredje utstillinga i Galleri Banken
Sesongens tredje utstillinga i Galleri Banken i Ølve opnar dørene 15. juni.
Publisert
Sist oppdatert
Etter at Anne K. Wille og Hans Sande har hatt sine verk utstilt i lokala, blir Galleri Banken no overlate til veteranen Magnar Moen, som kjem med kolteikningar, og Andreas Gravdal, som viser måleri.
– Magnar Moen jobbar med kolteikning, vare, sensuelle og sterke. Her er mykje å fordjupa seg i og fabulera rundt. Han har lang cv med utstillingar og mange offentlege innkjøp. Eg var heldig og hadde han som teiknelærar på Kunsthøgskolen på 80-talet, kommenterer kurator Marta Nerhus, som også påpeikar at mange aktive kunstnarar har hatt han som lærar.
Annonse
Den andre utstillaren er Andreas Gravdal, som i følgje Nerhus lagar barnslege teikningar med penselen på maleriske flater.
– Han brukar ord i bileta, og får oss både til å tenkja og føla. Han er av den yngre garde og har stort nedslagsfelt både i inn- og utland, seier ho om Gravdal.
