Festidalen utseld for helgepass

– Det er utselt for festivalpass, og det er ikkje ledige plassar igjen på campingen heller, seier Jostein Sydnes i Festidalen éi veke før det brakar laus på Dønhaug.

Siste oppteljing ved lunsjtider fredag viser at det er kring 300 dagspass igjen til kvar av dagane. Det betyr at Festidalen er 90 prosent utselt allereie.

– Me utvida festivalpasskapasiteten i rå opp til 2000 i år. Kapasitet i åt er 3300, som også inkluderer dei frivillige, så det er 3000 billettar som har vore tilgjengelege. Det er jo utruleg kjekt å oppleva, og me posta ei takk til publikummet vårt på eigne sider i førre veke. No er fokuset at me kan planleggja korleis me skal laga ein best mogeleg oppleving for dei som kjem, og ikkje stressa med å nå salstal, påpeikar Sydnes.

Høge dollar- og eurokursar var eit problem for Festidalen då dei starta bookinga for årets festival, og det er ein stor grunn til at ein er utan internasjonale artistar i år. Sydnes trur uansett at Festidalen no har funne forma si.

– Festidalen har vakse etter pandemien. 3000 publikummararar ein passeleg storleik, og det gir rom for spennande artistar, seier han.

Tradisjonelt har laurdagen vore den mest populære dagen for Festidalen, men i år er det selt litt meir på fredagen enn laurdagen.

– Det kan vera det er litt større artistappell den kvelden, men alt i alt ser det ganske likt ut, sluttar Jostein Sydnes i Festidalen.