Festidalen: Dei frivillige er klare for å ta imot
Festidalen utsette konsertstart til tidlegast klokka 20.00 grunna vind. Dei frivillige finn noko å gjera på likevel.
Publisert
Sist oppdatert
Vinden aukar på, og skal vere oppe i 20 m/s klokka 19.00. Det seier seg sjølv at det gjer forholda vanskelege på jordet på Dønhaug.
– Vi slit med rigginga, vi må ta det i mellom vindkasta. Vi tek vurderingar kvar halvtime, men ingenting skjer før 20.00, fortel styreleiar i Festidalen Una Kolle.
Annonse
Dei frivillige er likevel ved godt mot, og klare for å ta imot folkemengda.
Ingrid Elmina Prestnes Fiskerstrand og Solveig Takvann Dale var i gong med å steika lappar til dei frivillige.
– Vi skulle eigentleg stå i baren, men sidan det ikkje er så mange her enno fann vi andre ting å ta oss te i mellomtida, fortalde dei to.
