Eventyrskog på kaien

Folgefonnsenteret lagar eventyrskog,

vi ynskjer bidrag frå liten og stor.

Skogen kan husa konglegirlander og peparkakehjort,

vi håpar fantasien ikkje kjem til kort.

Bli med å pynt ei edelgran,

med lyslenkjer, fuglar og marsipan.

Sidan 2020 har mange levert bidrag til pepperkakelandsby i Folgefonnsenteret. I år gjer dei ein vri og lagar til eventyrskog istaden.

– Skogen er raus og har plass til mange bebuarar i alle formar, fasongar og materiale. Har du kanskje ein utstoppa rev på loftet? Eller nokon andre som bur i skogen? Då vi vi gjerne låna desse, skriv Folgefonnsenteret i ei pressemelding.

Byggverk, girlander, dyr og anna kan ein levera i veke 48. Siste frist er torsdag 30.november.