Eksplosive salstal for Festidalen – Datarock kompletterer plakaten
Dei har over 1000 liveshow bak seg, fordelte på 36 land og fem kontinent. Det er eit erfarent band som kompletterer Festidalen-plakaten.
Publisert
Sist oppdatert
– Då er linup’en klar. Det ligg eit sabba timetal og nokre liter sveitte bak plakaten, så det er veldig godt å vera ferdig. Og eg meiner sjølve at dette programmet er sterkt som pokker. Det syner også salstala, som har eksplodert, melder Daidalos Dahle om årets Festidalen, som no er i mål med artistane.
Datarock har turnert USA 20 gangar, og toppa det med å spela på Jimmy Kimmel Live. Og ikkje minst, herja storscenar som Roskilde og Coachella. No kjem dei altså for å setta fyr på Festidalen.
Annonse
– Altså, det er ingen band i landet som tar festen meir på alvor enn Datarock. Det er alltid kuler og krut på scena. Og publikum svarar med eit vanvitig dansegolv, legg Dahle til.
Han slår fast at det blir på med hjelmen, for Datarock tråkkar pedalen gjennom golvet. Og dryler på med fart, fest og frekke trinn!
– Det er ikkje mange som kan matcha CV-en til bergensbandet, sluttar Daidalos nøgd.
