Ei siste oppdatering frå russen
Det nærmar seg framsyningar av russerevyen, og russen sender ei siste påminning til alle kvinnheringar.
«Russen jobbar dag og natt for å få fram det beste i gjengen, og vil gje publikum ei oppleving dei seint vil gløyma», står det å lesa i ei pressemelding som årets russekull har sendt ut.
Dei fortel at premieren er utselt for lenge sidan, men det skal framleis vera ledige plassar på laurdagsframsyninga no til helga. Revygruppa lovar mellom anna flotte dansar, eit ferskt boyband og sketsjar om kvardagen til både lærarar og elevar ved KVV.
Annonse
Dei avsluttar pressemeldinga slik:
«Her får du eit innblikk i livet til dagens russ og korleis me tolkar livet. Om du kjenner ein russ, eller har lyst til å bli kjent med ein, kom på revy! Me lovar eit forrykande show som du seint vil gløyma. Kjærleik frå russen.»
