Deltok på sommarkurs hjå NMF Hordaland
Ein god gjeng ungdomar frå Kvinnherad har delteke på sommarkursa til Norges Musikkorps Forbund.
Publisert
Sist oppdatert
– Medan nokon stramar knytinga på fotballskoa, har vi ein gjeng frå korpset som denne veka deltek på sommarkurs via NMF. Frida er på Manger, Emilie og Theodor er i Åsane, og Vilje, Iver, Oline og Mathilde er på Askøy, opplyser Jeanne La France, som er styremedlem og kasserar for Rosendal Skulekorps.
Nokon av musikantane hadde hentekonsert på fredag, andre på søndag.
Annonse
– Dette er noko som mange korpsgutar og -jenter gler seg til. Fleire foreldre har kjekke ting å seia om det, spesielt Christine Egeland som har to jenter på kurs, fortel La France.
Christine Egeland seier det slik:
– Emilie har gleda seg heile sommaren til å treffa igjen korpsvener og til å læra meir. Oline er med for fyrste gong, og det kom melding i går med mykje smilefjes om at ho har blitt kjent med fleire, og at det var kjekt å spela. Dei er 63 i korpset, så det var skikkeleg kjekt.
