Ausekarane til Husnes i pinsen

– Dette blir ein heilaftan med dei beste perlene frå Ausekarane, og etter framsyninga blir det invitert til dans i Festsalen, melder Trond Betten på vegner av arrangøren OmStock.

Den populære gjengen, med Tor Endresen og Bjørn Jensen i spissen, har herja revy- og konsertscener på vestlandet i ei årrekkje.

Blant anna trekte dei eit smekkfullt Rosendal Samfunnshus i påsken for fire år sidan. Til Husnes kjem dei på sjølvaste pineaftan.

Strilehumor

Fengjande musikk, reinspikka moro, ein porsjon galskap og eit band med dugande musikarar er det som kjem.

– Med eit repertoar som garantert får publikum med på notane og med i dansen, klarer Ausekarane å få sjølv den stillaste forsamling med på allsong. Lattermusklane får også trimma seg grundig i løpet av kvelden, lover Betten som annonserer kystkultur, strilehumor, feelgood og folkeleg underhaldning på sitt aller beste.

Arrangør er OmStock Event.