Køyrde i grøfta – mistenkt for køyring i narkorus
Politiet rykte fredag ettermiddag ut til Herøysundet etter melding om ein bil som hadde køyrt i grøfta. Då dei kom fram var bilen tom.
– Etter litt undersøkingar kom vi i kontakt med to personar som begge vart arrestert. Det vart så teke prøve av begge to, der begge gav utslag på andre rusmidlar enn alkohol, seier politiførstebetjent Torgeir Fosse i Kvinnherad lensmannsdistrikt.
Artikkelen held fram under annonsen.
Politiet gjennomførte ransaking på ei adresse og fann mindre mengder narkotika. Personen som køyrte bilen mista førarkortet på staden og vert samstundes sikta for køyring i rusa tilstand. Begge personane, menn i 20-åra, vert sikta for bruk av narkotika, medan den eine også vert sikta for oppbevaring av narkotika.