– Kote 70 ei stor feil prioritering og eit urealistisk prosjekt?

Las i avisa at det var debatt i kommunestyret om vegprosjektet på Løfallstrand såkalla kote 70. Interessant at FRP sine medlemmer frontar dette prosjektet. Frp er då mot bompengar både lokalt og sentralt seier dei, men gjer motsett. Bra? Personleg synest eg dette prosjektet er heilt feil å bruka tid og pengar på no. Utifrå følgjande.

Kostnad: 150-200 millionar kroner for 4,5 km ny veg.

Miljø: Legg vegen med stigning i begge påkjøringar på strekkja.

Politisk: For at kommunestyret skulle få eit einstemmig vedtak på Kvinnherad pakken, har ein starta opp med planlegginga av Kote 70 som ligg inne i Kvinnherad pakke to. Er dette rett framgangsmåte? Forstå det den som vil.

Fagetatane: Slik eg oppfattar vegvesenet er dei heilt ueinig med denne prioriteringa. Bortkasta tid og pengar i denne omgang.

Finansiering: Stortinget må først godkjenna innkrevjing av bompengar for pakke ein til hausten. I tillegg er vel heller ikkje alle desse prosjekta fullfinansiert.

Bompengar: Er avgrensa kor mykje me kan påleggja vegfarande. Me har eit næringsliv og pendlerar som lyt ta støyten. Kven vil då etablera seg og bu her? Kanskje ein snart bør ta debatten om mengd bompengar i Kvinnherad.

Tidssparande: Lite. 4 minuttars køyring i dag.

Sikkerhet: Ja, men dette er løyselig langs den eksisterande traseen.

Pengebruk: Har alt nytta eit par millionar. Det vil gå mange fleire til planlegging. I tillegg nyttar administrasjonen i kommunen mykje tid, som kunne vore nytta til viktigare saker og ein kunne spart pengebruk til innleige av konsulent tenestar.

Fylket: Part opp i det heile. Kor realistisk er det at dei kan yta peng til dette ? Ikkje slik eg kjenner fylkesøkonomien. Avtalen er pr. i dag er Kvinnherad pakke ein, ikkje noko anna: Mange andre kommunar og prosjekt som også skal prioriterast.

Tidsperspektiv: Utifrå overliggjande punkt skremmer det meg at me skal bruka så mykje peng for eit prosjekt som kanskje ikkje vert bygt og i alle fall ligg minst 10-15 år inn i framtida. Bruk heller pengane , få bygt og fullfinansiert dei realistiske prosjekta.

Skrekksenario: Dersom reguleringsplanen er over 10 år og ein må oreigna i området , må det lagast ny plan.

Synest elles at Kvinnherad politikarane utfører eit bra handverk då det gjeld Kvinnherad pakke ein, men eg er litt redd dersom ein pressar og lovar pakke to alt no. Ser nokon alt lovar dette. Dette er ikkje bra. Prosjekta skal og må betalast. Må ikkje stilla seg slik at vegvesenet trekkjer seg frå det gode samarbeidet og tilliten som ein no har.

 

Av : Øyvind Hardeland, fylkespolitikar AP

 

[gravityform id="11" title="true" description="true"]