Konsert med Bill Booth

Morten Nygård

Morten Nygård

morten@grenda.no

31 august, 2018

Laurdag kveld byr Snikkeriet i Rosendal på ein skikkeleg musikalsk godbit. Då kjem den svært anerkjende artisten Bill Booth for å halda konsert.

Bill Booth er ein amerikanar som har budd i Norge i mange år. Han har gitt ut

seks soloplater, og spelt med fleire store norske roots- og rockeartistar, mellom anna Åge Aleksandersen, CC Cowboys, Steinar Albrigtsen og Henning Kvitnes. I ein omtale vart Booth av Drammens Tidende samanlikna med storleikar som Dylan, Springsteen og Knopfler.

Hans førebels siste plate, «Some Distant Shore», kom ut i fjor. Plata er inspirert av keltisk historie og kultur, og hausta strålande kritikkar både i Norge og utanlands. Albumet hamna på topp 40 på «Folk Radio Playlist Chart» i USA, og fekk elles radiotid hjå BBC. Bill Booth vart nominert til Spellemannsprisen for «Some Distant Shore».

På Snikkeriet vil han opptre solo med gitar og fele.

– Det vil bli ei musikalsk blanding av americana, eigne låtar, blues, rock og keltisk folk som er denne musikaren og komponisten sitt varemerke, heiter det i ei pressemelding.