Konkurranse om Svartavatnet

Kommunen har lyst ut anbodskonkurranse om å laga borehol i Svartavatnet ved Husnes.

I anbodsdatabasen Doffin vert prosjektet omtalt slik, (omsett frå bokmål): «Etablering av borehol ved boring inn i vasskjelde på kote cirka 770. Mottrykk cirka 20-30 mVS. Bygging av tilhøyrande ventilkammer og ventilhus».

Artikkelen held fram under annonsen.

Bakgrunnen for prosjektet er at kommunen ynskjer å sikra vassforsyninga til innbyggjarane og til Hydro Husnes i tørre periodar.

«NVE har gitt konsesjon til regulering av vatnet frå overløpsterskel på kote +772 moh og ned til kote +750 moh. Borehol skal ha ein kapasitet på 480 liter i sekundet. Ved utløp skal det etablerast eit ventilhus med motorstyrte ventilar og vassmålarar på hovudrøyr og vassrøyr for sikring av minstevassføring. Ved ca. kote +745 skal det etablerast ei bore- og utløpsgrop, og i denne gropa skal det også etablerast ventilhus», vert det opplyst.

Fristen for å delta i konkurransen er sett til 2. desember.