Konfirmantjubileum på Varaldsøy
Det er ein tradisjon at Varaldsøy sokneråd lagar til konfirmantjubileum om hausten, og slik vart det i år òg. Nærare bestemt søndag 7. oktober.
Mange av jubilantane var svært takksame for det, det set me jubilantar stor pris på. Det var 50-, 60-, 70- og 75-årsjubilantar. Men sidan det berre er jubileumsfest anna kvart år, då får dei som var jubilantar i fjor vera med i år.
Artikkelen held fram under annonsen.
Me samlast til gudsteneste i kyrkja, og etterpå til festmåltid i bedehuset. Det var tydeleg at dette var kjekt, for stemninga var god og alle tykte at dette måtte halda fram.
Den eldste var 75-årsjubilant Peder Grønevik, som stod som konfirmant i 1942. Han fortalde litt frå den tida, det var ikkje alltid så enkelt under krigen. Det var rasjonering på mest alt, og på klede. Viss ein ville ha seg ein ny dress måtte ein bruka rasjoneringskortet.
– Men me vart konfirmerte då òg, fortalde han.
Helsing frå ein jubilant