Sindre Solbakken Omvik fekk ein strålande sesongdebut på Bislett onsdag kveld. (Arkivfoto)

Knuste sin eigen lagsrekord med 36 sekund

Sindre Solbakken Omvik sesongdebuterte onsdag kveld med å knusa lagsrekorden i Rosendal Turnlag på 10.000 meter med 36,58 sekund.

Den høgreiste omvikdelingen fekk ein strålande sesongdebut på ærverdige Bislett onsdag kveld. I eit sterkt felt sprang han inn til ein sterk 7. plass på 10.000-meteren under Oslo Sommerstevne.

Artikkelen held fram under annonsen.

Sindre klokka inn på tida 31,14,33, og knuste med det lagsrekorden i Rosendal Turnlag med 36,58 sekund. Ein rekord han sjølv sette under NM i Hamar i fjor.

I tillegg til Sindre stilte også Benjamin Hus Ripel frå Rosendal Turnlag og Anders Kjærevik frå Varaldsøy til start på 10.000-meteren på Bislett denne kvelden. Benjamin vart nummer 49 etter å ha kryssa mållinja på tida 38,38,68, medan Anders vart nummer 42 med tida 34,49,45.