John Coltrane, Keith Jarrett og JKoe Henderson er blant inspirasjonskjeldene til jazzgruppa Trøen Arnesen kvartett. LAurdag spelar dei i kinosalen på Kulturhuset Husnes. (Pressefoto)

Klassisk jazz i kinosalen

Laurdag byr Husnes Jazzklubb på klassisk jazz når Trøen/Arnesen kvartett vitjar kulturhuset.

– Musikalsk byr Trøen/Arnesen kvartett på heftig swing og saftige balladar, i eit univers der idealet om den klassiske jazzkvartetten står sterkt. Med eit aldersspenn på fleire generasjonar, og erfaring frå ulike sjangrar og epokar, samlast dei fire musikarane rundt ein felles kjærleik for «den gode gamle jazzen», skriv Jarle Mehammer i Husnes Jazzklubb ei pressemelding om konserten.

Artikkelen held fram under annonsen.

Med ideal frå jazzens øvste hylle finn dei inspirasjon frå store namn som John Coltrane, Keith Jarrett, Joe Henderson og Dexter Gordon.

– Spesielt Joe Henderson er ein sterk inspirasjon for bandet, fordi både Dag Arnesen og Frank Jakobsen spelte i Henderson sin «Norwegian Quartet», saman med bassist Bjørn Kjellemyr. Kvartetten tek med seg jazztradisjonen inn i eigne komposisjonar, samt eigne tolkingar av gamle perler. På denne måten vil bandet blåsa nytt liv i tradisjons-jazzen, og utfalda seg i spennet mellom det nye og det gamle, legg Mehammer til.

Det fulle bandnamnet er Elisabeth Lid Trøen og Dag Arnesen kvartett, og dei mønstrar Elisabeth Lid Trøen (saksofon), Dag Arnesen (piano), Frank Jakobsen (trommer) og Ole Marius Sandberg (bass).

Konserten vert i kinosalen i Husnes kulturhus laurdag 8. februar.