Klart for historisk Pride – maks 200 slepp inn

Marius Tveit Nissestad

Marius Tveit Nissestad

marius@grenda.no

Publisert: 25. juni 2020, 11:04

Pride-komiteen melder at dei er godt i rute før Pride-arrangementer søndag.

– Smittereglane vil bli respektert, så maks 200 tilskodarar vil bli slept inn på området utanfor rådhuset i Rosendal, skriv Gaute Lund frå Human-Etisk Forbund i ei pressemelding.

Dei som kjem for å markera Pride for aller fyrste gong i Kvinnherad vil få høyra appellar frå ordførar Hans Inge Myrvold og nestleiar Christian Lomsdalen i Human-Etisk Forbund. Etter det kan dei som ynskjer delta i Storapride sitt rebusløp i Rosendal.

– Vi er glade for at Fagforbundet har slutta seg til arrangementet. Dei spanderer kake på alle. Vi vonar folk møter opp på den første Pride-markeringa i Kvinnherad nokon sinne, skriv Lund.