Klart for halvmaraton på postvegen

Marius Tveit Nissestad

Marius Tveit Nissestad

marius@grenda.no

Publisert: 8. mai 2019, 15:06

Søndag inviterer IL Ternen til den sjette utgåva av Postvegløpet.

Fem gongar tidlegare har Idrettslaget Ternen arrangert halvmaratonløpet frå Ternebu i Tveitedalen til Helland, ei 21,1 kilometer lang løype i det arrangøren beskriv som lett kupert terreng.

I tillegg til halvmaraton vert det lagt opp til eit minimaraton for dei yngste frå Handeland til Helland, står det å lesa i ei pressemelding.

Så står det att å sjå om nokon kan slå Eirik Gausvik Musland si vinnartid på 1:24:25 frå 2018.