Klart for Baroniløpet

I fjor gjorde Baroniløpet eit vellukka comeback. Komande laurdag er det klart for ei ny utgåve av det tradisjonsrike løpet.

Morten Nygård

Morten Nygård

morten@grenda.no

18 april, 2017

– I fjor gjenoppstod det tradisjonsrike Baroniløpet i Rosendal etter 21 års fråvær. Oppstandelsen var både ein deltakar- og publikumsmessig suksess, som vi håpar å gjenskapa i år. I år går løpet av stabelen for andre året på rad laurdag 22. april, som det fyrste i Kvinnheradkarusellen i terrengløp, opplyser Rosendal Turnlag i ei pressemelding.

Som i fjor vil løpet gå på grusveg, terreng og stiar, i løps, familie og publikumsvenlege løyper rundt Rosendal Avlsgard, med distansar frå ca 270 m til 2,5 km. Dei gode naboane og samarbeidspartnarane Omvikdalen IL & Rosendal Turnlag står også i år for arrangementet.

Etter at Baroniløpet er unnagjort, vil Kvinnheradkarusellen i terrengløpa halda fram slik: Laurdag 13. mai – SPAR-løpet, Uskedalen – Uskedal IL, onsdag 24. mai – Kvinnherad-meisterskapen, Husnes – IL Trio, laurdag 3. juni – Åkraløpet, Åkra – Matre I L.

– Årets arrangørar,  Omvikdalen IL,  Rosendal Turnlag, Uskedal IL, Il Trio og Matre IL, ynskjer små og stor, godt trente og mindre godt trente, publikum og andre som vil delta og bidra til ei hyggjeleg sosial & fysisk hending, på tvers av bygdegrenser, hjarteleg velkomen til årets Kvinnheradkarusell i terrengløp, heiter det i pressemeldinga.