Kirsten Bjørke Hellingsrud er nytt æresmedlem i Rosendal Turnlag. (Foto: Jostein Hatteberg)

Kirsten er Rosendal TL sitt første kvinnelege æresmedlem

Styret i Rosendal Turnlag gjorde søndag Kirsten Bjørke Hellingsrud til æresmedlem i laget.

I meir enn ti år har Kirsten Bjørke Hellingsrud gjort eit framifrå rekneskapsarbeid for Rosendal Turnlag. Og då ho no bestemte seg for å trekkja seg, bestemte styret seg for å heidra ho på verdig vis.

Artikkelen held fram under annonsen.

– Du har gjort ein enorm innsats for Rosendal Turnlag, og då du varsla at du ville trekkja deg, så var det heilt naturleg å utnemna deg som æresmedlem. Du blir Rosendal Turnlag sitt fyrste kvinnelege æresmedlem, og i 2020 må vel det kunna seiast å vera på høg tid, skriv turnlaget i ei pressemelding.

Styret skriv også at dei kjem til å sakna Kirsten sitt arbeid sårt.

– Vi vil på vegne av alle i laget takk deg for innsatsen, ynskja lukke til, og gratulera deg som æresmedlem i laget i ditt hjarta, sa styreleiar Jostein Hatteberg då han overrekte æresmedlem-diplomet.