Desse unge. lovande keeperane var samla til trening i Husneshallen søndag. (Foto: Privat)

Keeperdag i Husneshallen

18 deltakarar frå åtte forskjellege lag deltok då Trio inviterte til keepersamling i Husneshallen søndag.

– Ein superdag i Husneshallen for våre yngste keepertalent. Proffe trenarar og gode medhjelparar gjorde at keeperane fekk eit flott utbyte av samlinga, skriv Steinar Nilsen i ei pressemelding.

Artikkelen held fram under annonsen.

Tidlegare landslagskeeper på aldersbestemte landslag og no Sandviken IL sin sisteskanse, Benedicte Håland, hadde laga øvingsoppsettet til keeperskulen.

– I tillegg var det mange lagtrenarar og foreldre på sidelinja som hjelpte til. Alle var svært positive til å vera med i eit vidare opplegg med keepersamlingar, seier Nilsen.

No vil dei summa seg litt etter helgas suksess, før dei vil prøva å arbeida fram eit opplegg som let seg gjennomføra på fornuftig vis.