Kband-kundar får TV 2-kanalane tilbake
TV 2 og Telia/Get er einige om ein midlertidig avtale der kundane får TV-kanalane tilbake medan partane forhandlar vidare.
Det melde partane i ei pressemelding fredag.
Artikkelen held fram under annonsen.
– Vi er glade og letta over å ha fått den midlertidige avtalen på plass, og at sjåarane no er ute av skvisen. Vi veit at mange har sakna TV 2. Ei midlertidig løysing har vore vårt hovudfokus gjennom heile juni, skriv TV 2 i ei pressemelding.
Striden mellom TV 2 og Telia/Get har ført til at vel ein halv million kundar har stått utan TV 2 sine kanalar den siste månaden. Blant dei alle Kvinnherad Breiband sine TV-kundar.
– No er endeleg TV 2-kanalane tilbake på skjermane hos oss. Vi beklagar for ulempene dette har medført deg som kunde, men vi er no veldig glade for at TV 2 sitt innhald og valfridomen for deg som kunde er sikra framover, skriv Get i ei pressemelding.