Anders Totland får kulturstipend av Kulturådet. (Arkivfoto)

Kanonstart for «Vintertonar»

Allereie dagen før lanseringa av boka er, er heile førsteopplaget av Vintertonar sendt ut frå lageret. Søndag feirar forfattar Anders Totland den lovande starten på bokhausten på Galleri G. Guddal.

Anders Totland sin debutroman for vaksne vert ikkje lansert før i morgon, men allereie i dag kan forlaget fortelja at «Vintertonar» har fått ein strålande start.

Artikkelen held fram under annonsen.

– Heile førsteopplaget er no sendt ut frå laget, og det er tydeleg at Anders har treft noko hos folk med sin varme og stillferdige historie. Det er utruleg kjekt å sjå, og ein lovande starta på bokhausten, seier sals- og marknadskonsulent Katerina Futsæter Vik i Samlaget i ei pressemelding.

Med det er det alt klart for ein ny runde i trykken for Totland sin debutroman. Noko som sjølvsagt gler forfattaren sjølv.

– Eg pleier som regel å ha høge forventningar til det meste, men dett er faktisk meir enn eg kunne drøyma om, seier Totland i pressemeldinga.

Noko han skal feira på Galleri G. Guddal førstkomande søndag. Her vert det opplesing og signering av bøkene hans, samt song frå Ingebjørg Eik.

– Det blir ei skikkeleg feststund, som eg håpar mange vil vera med på, seier Totland.